A ría é nossa, e nom de Reganosa!

Tras dous bloqueios ao Galicia Spirit e a posterior repressom brutal sofrida pol@s mariscador@s ferrolás, parescía que tudo estaba en calma para a chegada dum segundo buque á pranta de Reganosa.

Nembargantes, a día de onte, o buque gaseiro arxelino que tinha que atracar foi bloqueiado de novo por pescador@s seguindo a mesma estratexia ca utilizada anteriormente.
Trátase do Mourad Didouche , cargado con 123.000 metros cúbicos de combustible para a terminal mugardesa. Tampouco foi quem de atravesar o espigón do porto exterior de Caneliñas pola acçom dunhas 40 pequenas embarcaçoms, con trabalhador@s do mar e membr@s do Comité de Emerxencia da Ría de Ferrol a bordo.




Por suposto, á súa chegada ao porto de Ferrol, a polícia nazi-onal estaba agardando por el@s para ser identificad@s e detid@s. Ademáis disto, producíronse esceas de violéncia para con @s cidadás que estaban alí apoiando a iniciativa. Tras estes enfrontamentos, moit@s d@s perxudicad@s tiveron que acodir ao hospital para recebir atençom médica e presentar denúncia contra as FSE pola súa atitude violenta. O patrón maior do porto, Bernardo Bastida, foi detido em torno ás 4:30 da tarde.

Atençom ao despregue de FSE: Tres embarcaçoms da Guardia Civil, que tambén tinha desprazadas na zona varias lanchas, assim coma um remolcador da Armada e um helicóptero, ademáis dos efetivos
situados em Curruxeiras.

Consideraçoms aparte, é um escándalo que a pranta estea onde esté. Iso é pura lógica.
Nom fai nim dous días que emitiron umha reportagem na TVE na que umha vezinha de Mugardos mostraba cómo vía os depósitos de gas dende a súa casa, situada a escasos 200 metros da instalaçom. Pero se ela nom está segura em caso de accidente, tampouco o está Ferrol e isso que há bastante máis distáncia por meio.
Nim se tivo em conta un estudo de impacto ambiental nim de risco pra a poboaçom, algo escandaloso se temos em conta que segundo a normativa europeia umha instalaçom destas características nom pode estar tan preto dun núcleo de poboaçom (segundo a normativa europeia e o senso común enténdese).
Ao transvasar o gas, a pranta utiliza auga da ría, que ao ser expulsada posteriormente, descende a temperatura varios graos, algo realmente nocivo para a fauna. Ademáis, ao ter que usar auga de mar com pláncton precisan filtrala antes, para evitar depósitos de impureças. Nembargantes, ésta auga é devolta á ría sendo compretamente estéril.

Parece que Ameijeiras está interessado em que tudo siga assim, ja que é um dos inversores do negócio, e nom dubida em utilizar aos dobermans antidistúrbios contra os mariscadores e cidadáns que ven cómo ese monstruo arruína o seu sustento e, en casso de accidente, as súas vidas.
Como ja fixo co bloqueio do Galicia Spirit , Reganosa presentou onte umha denúncia contra os autores do bloqueio deste segundo barco á súa pranta, que se atopa no seu período de probas. De facto, a empresa reclama a Bernardo Bastida umha indemnización de 600.000 euros polos danos económicos causados polos dous bloqueios.

Dende aquí queremos expresar a nossa solidariedade c@s detid@s, quenes nom som máis que cabeças de turco, tanto coma ferroláns como por cidadáns preocupados pola maior importancia que lle da o estado ás empresas ca ao benestar e segurança da gente.

Recomendo visitar estas dúas páxinas:

Comité Cidadán de Emerxencia para a Ría de Ferrol
Ferrolterra - Ciudadanos Aliados para Proteger su Entorno